ru en ўз
1 USD = 8085.11  
1 EUR = 9487.07  
1 RUB = 136.65  
ru en ўз
Бош саҳифа / Таълим / Минтақаларда ёшлар билан ишлаш бўйича намунавий м...

Минтақаларда ёшлар билан ишлаш бўйича намунавий мактаблар ташкил қилинмоқда

Мамлакатимизнинг барча ҳудудларида Халқ таълими вазирлиги Ўзбекистон ёшлар иттифоқи билан биргаликда ёшлар билан ишлаш бўйича намунавий мактаб лойиҳасини амалга оширмоқда.

Пойтахтимизнинг Шайхонтоҳур туманидаги 324-умумтаълим мактаби ҳам ана шундай намунавий мактабга айлантирилди.

– Давлатимиз раҳбарининг жорий йил 30 сентябрдаги «Ўзбекистон Республикаси Халқ таълими вазирлиги фаолиятини такомиллаштириш тўғрисида»ги қарорига мувофиқ мамлакатимизнинг барча ҳудудларида биттадан мактаб саралаб олиниб, намунавий мактабга айлантирилмоқда, – дейди мактаб директори Б.Пўлатова. – Мактабимизнинг ана шундай намунавий мактабга айлантирилганидан хурсандмиз. Мазкур лойиҳа асосида мактабимизда «Заковат» интеллектуал ўйини, «Муваффақият мактаби», «Мунозара клуби», «Баркамол қизлар клуби» машғулотлари йўлга қўйилиб, бу лойиҳалар ўқувчи-ёшларнинг дунёқарашини бойитишга ва интеллектуал салоҳиятини ривожлантиришга хизмат қилади.

Мазкур лойиҳадаги машғулотларни мактабнинг ёшлар етакчилари хотин-қизлар қўмитаси бошланғич ташкилоти раиси ва клуб сардорлари билан ҳамкорликда олиб боради. Унда 6-синфдан 11-синфгача бўлган ўқувчилар бўш вақтларини мазмунли ўтказиш имконига эга бўлади.

Тадбир доирасида намунавий мактабларда жамоат кенгаши ва ўқувчи-ёшлар билан самарали иш олиб бориш бўйича мутахассислар томонидан маҳорат дарслари ўтказилди.

  • Комментарии отсутствуют

Рухсат олинг Шарҳлар қолдириш мумкин бўлиши учун.

Рукннинг бошқа материаллари



Тарқатишга обуна бўлинг Будьте в курсе всех новостей