ru en ўз
1 USD = 8271.27  
1 EUR = 9374.66  
1 RUB = 121.79  
ru en ўз

Жорий йилнинг 1 сентябридан бошлаб, Тошкент ва мамлакатимизнинг бошқа ҳудудларида мавжуд камчиликларни бартараф этишга қаратилган махсус бошқарув тартибини жорий этиш бўйича ҳуқуқий эксперимент старт олади. Порталимиздаги ЎзА видеорепортажи орқали бу ҳақда батафсил маълумот олишингиз мумкин.

Бош саҳифа / Бизнес ва инновация / Ўзбекистон цемент ишлаб чиқариш ҳажмини 6 миллион ...

Ўзбекистон цемент ишлаб чиқариш ҳажмини 6 миллион тоннага оширади

Ўзбекистон кейинги беш йил ичида цемент ишлаб чиқариш ҳажмини 6 миллион тоннагача оширишни режалаштирмоқда. Тошкентда “Цемент саноати ва бозори” деб номланган халқаро конференция чоғида «Ўзқурилишматериаллари» акциядорлик компанияси бошқаруви раиси Эркин Акромов шу ҳақда маълум қилди.

– Ҳукуматимиз томонидан 2015 — 2019 йилларда иқтисодиёт тармоқлари ва ижтимоий соҳада энергия сарфи ҳажмини қисқартириш, энергияни тежайдиган технологияларни жорий этиш чора-тадбирлари дастури қабул қилинган. У қуруқ усулда цемент ишлаб чиқаришга аста-секин ўтишни назарда тутади, - деди Э. Акромов.

Таъкидланишича, “Қизилқумцемент”, “Бекободцемент” ва “Қувасойцемент” акциядорлик жамиятларида технологик линияларни модернизация қилиш, Қорақалпоғистон Республикаси, Жиззах, Қашқадарё, Сурхондарё ва Тошкент вилоятларида йилига 6 миллион тоннадан ортиқ маҳсулот ишлаб чиқариш қувватига эга янги цемент заводларини барпо этиш бўйича чора-тадбирлар амалга оширилмоқда. 

Айни пайтда республикамизда йилига 8,641 миллион тонна маҳсулот ишлаб чиқариш қувватига эга 8 цемент заводи фаолият кўрсатмоқда. Жорий йилнинг 10 ойида 6,62 миллион тонна цемент тайёрланган.

 

  • Комментарии отсутствуют

Рухсат олинг Шарҳлар қолдириш мумкин бўлиши учун.

Рукннинг бошқа материаллари



Тарқатишга обуна бўлинг Будьте в курсе всех новостей