ru en ўз
1 USD = 8039  
1 EUR = 9347.75  
1 RUB = 118.05  
ru en ўз

Жорий йилнинг 1 сентябридан бошлаб, Тошкент ва мамлакатимизнинг бошқа ҳудудларида мавжуд камчиликларни бартараф этишга қаратилган махсус бошқарув тартибини жорий этиш бўйича ҳуқуқий эксперимент старт олади. Порталимиздаги ЎзА видеорепортажи орқали бу ҳақда батафсил маълумот олишингиз мумкин.

Бош саҳифа / Бизнес ва инновация / Ку Ин Чой: “Самсунг Электроникс” компанияси учун Ў...

Ку Ин Чой: “Самсунг Электроникс” компанияси учун Ўзбекистон истиқболли стратегик шерик ҳисобланади

Сеулда бўлиб ўтган Ўзбекистон — Корея бизнес-форумида сўзга чиққан ахборот-коммуникация технологиялари тармоғи вакиллари Ўзбекистонда ушбу соҳанинг жадал ўсиш суръати ва катта истиқболларини алоҳида таъкидладилар. Айтиб ўтилганидек, “Президент Ислом Каримов ташаббуси билан мамлакатда амалга оширилаётган Милллий ахборот-коммуникация тизимини ривожлантириш дастури 2020 йилга келиб, ахборот технологиялари ва коммуникациялар тараққиёти даражаси бўйича Ўзбекистоннинг МДҲ давлатлари орасида юқори ўринга чиқишига хизмат қилади”, деб хабар беради “Жаҳон” ахборот агентлиги.

— “Самсунг Электроникс” компанияси учун, — дея таъкидлади компания катта вице-президенти Ку Ин Чой, — Ўзбекистон истиқболли стратегик шерик ҳисобланади. Мамлакат иқтисодий ўсиш бўйича улкан салоҳиятга эга, бу ерда замонавий ва диверсификацияланган саноат яратилган. Яқин келажакда республикада замонавий электр-маиший техникалар ишлаб чиқариш ҳамда минтақа бозорларига экспорт қилиш учун таняч ишлаб чиқариш мажмуалари ташкил этилиши мумкин.

Шуни ҳисобга олган ҳолда, “Самсунг Электроникс” компанияси Ўзбекистонда “ноу-хау”лар ва илғор технологик ишланмалар асосида энг замонавий маиший техникаларни ишлаб чиқариш бўйича тўлиқ мажмуани ишга тушириш ҳақида стратегик қарор қабул қилди.

  • Комментарии отсутствуют

Рухсат олинг Шарҳлар қолдириш мумкин бўлиши учун.

Рукннинг бошқа материаллари



Тарқатишга обуна бўлинг Будьте в курсе всех новостей